Use this announcement bar to inform users of cookies, promotions, new features etc.
Dismiss

Raak fiks, kry meer lewensdekking

Die lewensversekeraar 1 Life het kragte saamgesnoer met Samsung en die tegnologiemaatskappy LifeQ en gebruik biometriese data van 'n fiksheidsbandjie om polishouers se gesondheid te monitor.
Jy kan nou die bed rag in lewensdekking waarvoor jy kwalifiseer daagliks laat meer word sonder 'n verhoging in premies deur eenvoudig 'n gesonder leefstyl te handhaaf.

Jy kan nou die bed rag in lewensdekking waarvoor jy kwalifiseer daagliks laat meer word sonder 'n verhoging in premies deur eenvoudig 'n gesonder leefstyl te handhaaf.

Die lewensversekeraar 1 Life het kragte saamgesnoer met Samsung en die tegnologiemaatskappy LifeQ en gebruik biometriese data van 'n fiksheidsbandjie om polishouers se gesondheid te monitor.


As jy die bandjie dra, word data oor jou slaappatrone, hoeveelheid oefening en jou algehele stresvlakke met 'n spesiale app gedeel wat deur LifeQ ontwerp is.

LifeQ spesialiseer in die ontleding van biometriese inligting afkomstig van fiksheidstoestelle.


Sou die polishouer 'n gesonde leefstyl handhaaf deur genoeg slaap en oefening te kry, sal 1 Life sy lewensdekking met tot R216 per dag verhoog.


LifeQ is reeds twee jaar lank besig om die app te ontwikkel wat polishouers se data verwerk.


Die maatskappy het 'n vennootskap met Samsung aangegaan om die nodige fiksheidstoestelle te verskaf waarmee die data ingesamel word.


LifeQ se eie programmatuur word op Samsung se fiksheidstoestel ge"installeer waarna dit op 'n gekoppelde selfoon ontleed word.


Die inligting word uiteindelik met 1 Life gedeel, wat bepaal of die dekkingsbedrag verhoog word.


Die konsep is soortgelyk, maar meer gevorderd as wat Discovery reeds bied met sy Vitality-produk waar gesonde gedrag ook beloon word met gratis skommeldrankies en fliekkaartjies.


Volgens Laurie Olivier, uitvoerende hoof van LifeQ, gebruik die maatskappy die wetenskap en tegnologie om 'n werklike ekonomiese voordeel aan sowel ondernemings as hul kliënte te bied.


'n Gesonder leefstyl beteken 'n kleiner risiko vir die versekeraar, wat jou daarvoor beloon met hoër dekking teen 'n onveranderde premie.
Boonop sal 1 Life die Samsung-fiksheidsbandjie gratis aan polishouers verskaf.


Die polis is beskikbaar aan enigiemand wat lewensdekking van Rl miljoen of meer uitneem.


Jou dekking kan tot Rl ,2 miljoen toeneem oor twee jaar deur eenvoudig gesonder te leef sonder dat jy maandeliks meer daarvoor hoef te betaal.


Om in aanmerking te kom vir die hoogste moontlike toename in dekking, moet die fiksheidsbandjie vir minstens 20 dae in 'n gegewe kalendermaand gedra word.


LifeQ ontleed data rakende die polishouer se slaappatrone, aktiwiteit, fiksheid en hartklop. 'n Gemiddelde punt word bereken wat die toename in lewensdekking beïnvloed.

More Articles